Сопругата на Стојанче Ангелов: Со денови ниту спие, ниту јаде

Добивај вести на Viber

Јасминка Ангелова, сопругата на Стојанче Ангелов, се пожали дека со денови директорот на Центарот за управување со кризи ниту јадел ниту пиел додека се справувал со пожарите лие жариште се одвива во Малешевијата.

Вели дека Стојанче немал време за храна и вода и дека е загрижена за својот сопруг кој патем имал и здравствени проблеми. Ваквиот статус на Јасминка следува по критиките упатени на адреса на претседателот на „Достоинство“ додека се гаснат пожарите низ земјата.

,, Мојот сопруг излезе вчера рано наутро во истиве алишта што и сега ги носи, му дадов в раце само една маица со кратки ракави. Ниту се нови овие изветвени панталони и кошула (што планинарење поминал со нив да знаат да кажат), а најмалку се чисти по поминат теренски ден и ноќ на отворено. Инаку со дни ниту спие ниту јаде, вдишува чад и мене тоа ме загрижува затоа што е тежок, 80% воен инвалид, исечен му е белиот дроб, ако сфаќате што значи тоа. Со тастатурно војување не се помага. И запамтете: Овој човек има душа и простува на сите што го напаѓате, џабе арчите букви на тастатурата“, напиша таа на Фејсбук.