Сопственик на скопска кафана прободен со нож од гости кои се тепале
Објавено во: Македонија 21 Април, 2018
Голем инцидент се случил доцна вечерта во скопска кафана при што повреден е сопственикот на угостителскиот објект бил ранет со нож од гости кои меѓу себе крвнички се тепале.
„Ноќеска околу 00,10 часот во Скопје во угостителски објект на улица „Орце Николов“ неколку лица кои седеле на терасата од угостителскиот објект, започнале меѓусебна расправија, а подоцна дошло и до тепачка помеѓу истите, по што две од лицата си заминале, но подоцна се вратиле и продолжиле со пресметката“ велат од МВР.
Сопственикот на објектот, П.П.(56) од Скопје се обидел да ги раздвои, при што едно од лицата со нож го прободело во пределот на зглобот од десната рака.
На повредениот во Градска општа болница „Св. Наум Охридски“ му е укажана лекарска помош.
Извршен е увид на местото на настанот, се работи на расчистување на случајот и пронаоѓање на сторителите.