Соработка на пограничните општини за полесен пристап до европските пари

Добивај вести на Viber

Со цел да се интензивира меѓуграничната соработка, како и да се олесни патот до ЕУ фондовите денеска Македонско-бугарската стопанска комора потпиша Меморандум за соработка и Југоисточниот плански регион. Во рамките на проектот „Регионален бизнис центар“, кој претходно беше формиран од општина Гевгелија во локални рамки, меморандумот треба да го забрза  протокот на европскиот капитал до локалните самоуправи. „Ова е само еден дополнителен мотив за запознавање на бизнис заедницата со авторитетите на локалната власт“, изјави Зоре Темелковски, претседател на Македонско-бугарската стопанска комора. Стопанствениците сметаат дека соработката со пограничните општини од Бугарија е нова можност која треба да помогне во привлекувањето на средства од ЕУ фондовите за Македонија. Според градоначалникот на Гевгелија Иван Франгов, меморандумот ќе овозможи полесен пристап и достапност на македонските стопанственици до информации, но и до поддршка на нивните бизниси.На средбата со претседателот на Советот за развој на Југоисточен плански регион, Ванчо Стојанов, беше посочено дека развојот на мали и средни компании во областите на аграрот, преработувачката индустрија и наменскиот туризам се добра можност за општините од Југоисточниот плански регион.