Добивај вести на Viber
Сотир Костов и се јавил на Фросина Ременски, поранешната министерка и потпретседател на Собранието за да и го бара нејзиниот докторат, објави самата на фејсбук. Таа завчера му порача на специјалниот претставник на Македонија за Бугарија и нејзин сопартиец во СДСМ Владо БУчковски да го прочита докторатот што го напишала, пред да оди за Софија на преговори.
„Случајно или не, добив телефонски повик од Сотир Костов кој беше заинтересиран, каде може да ја најде книгата од мојот докторат што му го препорачав на Владо Бучковски и на сите други. Му ја дадов информацијата - 12 години е во Книжарница Матица. Подготвувам второ дополнето издание. До вчера мислев дека, "знае се' и е информиран за се'", ама не било така. Но, добро е, ќе види колку знаел, колку не знаел и колку може да научи, напиша вчера Ременски.
Завчера пак вака му се обрати на Бучковски:
„Ако специјалниот претставник на државата во преговорите со Бугарија, проф. Бучковски не го прочитал мојот докторат објавен во монографија „Македонското национално малцинство во соседните земји: Современи состојби” со добиена државна награда за наука во интерес на државата „Гоце Делчев” за 2008 година, нека не тргнува за Софија на преговори“, напиша Ременски.