Спас од смогот најрано во петок – најкритично е во Скопје и Тетово

Добивај вести на Viber

Загадувањето на воздухот во Скопје денеска е седум пати повисоко од дозволеното, во Тетово пак дури 14 пати. Според поранешниот министер за животна средина и просторно планирање Владимир Џабирски, виновниците за ваквата состојба треба да ги бараме во нас и во нашата свест. Актуелниот министер Абдилаќим Адеми пак повтори дека во петок Владата повторно ќе ја разгледува состојбата откако вчера одлучи да не воведува поригорозни мерки против загадениот воздух. „Пред 40 години имавме поголеми загадувачи од типот на фосилните горива, кои се користеа во домаќинствата, старите автомобили, индустријата, топланите кои работеа на мазут, но тогаш немавме толку автомобили. Тие автомобили ги возиме ние граѓаните, кои обвинуваме некого за температурната инверзија за која се причина климатските услови, а не ја бараме во нас“, посочи Џабирски. Министерот Адеми пак сепак потврди дека на работа дошол со автомобил. Покрај Скопје и Тетово, состојбата со загадувањето е  критична и во кичево и Битола. Според метеоролозите, промена на времето се очекува во петок, кога се надеваат дека најавениот дожд ќе ја подобри состојбата. Мерните станици на Министерството за животна средина и просторно планирање, вечерва во 19 часот ја покажаа следната состојба: