Спасовски: Мора да има брзо решение за случаите како „Рекет“

Добивај вести на Viber

Брза и ефикасна борба против случајот кој има цел да се донесе криминалот и корупцијата на вистинскиот удар и со тоа да се врати надежта и до граѓаните и институциите, затоа што ова е што не смееме да го изгубиме. Ова го истакна министерот за внатрешни работи Оливер Спасовски.

Тој потенцираше дека  правдата мора да ги стигне сите без разлика кои се и за кој случај се осомничени.

Министерот за внатрешни работи, Оливер Спасовски очекува брза и ефикасна разрешница на актуелните случувања што деновиве ја брануваат јавноста. Спасовски прецизираше дека правдата мора да ги стигне сите без разлика кои се и за кој случај се осомничени.

Меѓудругото, министерот Спасовски истакна дека до антикорупциска доставил барање да ги истражи обвинувањата на опозицијата против него .

Според него изнесените наводи од страна на политичката партија ВМРО-ДПМНЕ,имаат за цел да се дискредитира неговата личност за наводно учество во отворање на некаков бизнис во Куманово, нова инвестиција во компанијата Пинк петрол.

-Јас одговорно сакам да кажам дека се тоа апсолутно лаги и дезинформации, кои ги демантирав уште првиот ден. Ниту јас, ниту член на моето семејство нема удел во таа или во која било друга компанија ниту во државата, ниту надвор од државата, ниту денеска, ниту во минатото, апсолутно во ниту еден момент. И додека ВМРО-ДПМНЕ, партијата која што ја уништуваше Македонија 11 години повикува да се поведе постапка пред Антикорупциска комисија, јас не повикувам, еве дојдов денеска сам и доставив допис со барање да се испита комплетно целиот овој случај на инволивраност, мојата состојба, потекло на имотот на мене, на моето семејство и да се утврдат аргументите и фактите заради тоа што не смее да се дозволи да се манипулира со јавноста и на еден ваков начин да се врши дискредитација на одредена личност-, кажа Спасовски.