Специјалка со потекло од Шипковица во апсењето на Џуриќ
Објавено во: Македонија 28 Март, 2018
На социјалните мрежи и на повеќе албански портали се пренесува информацијата дека во акцијата за апсење на Марко Џуриќ, учествувала и Маригона Беадин, припадничка на специјалната косовска единица РОСУ.
Според информациите Маригона има потекло од тетовска Шипковица и е ќерка на Шехап Беадини. Таа е единствената жена припадник на косовската елитна единица кој завчера изврши тензична акција за апсење на Џуриќ, српскиот политичар задолжен од владата во Белград за Косово и Метохија.
Тој, наводно немал уредна дозвола за посета на Митровица и косовските власти тврдења дека нелегално престојува. Акцијата беше брутално изведена со упад во општинската сала на косовските Срби во Митровица. Припадниците на РОСУ фрлија шок бомби и со автоматски пушки ги легнаа сите прусутни на земја упатувајќи им закани.
Ваквото поведение беше осудено од страна на Европската унија, а Федерика Могерини рече дека насилството е неприфатливо и побара смиреност од страна на Белград и Приштина за нормализирање на состојбата.