Спикерот Вељаноски се сретна со директорот на Светска Банка
Објавено во: Економија 11 Јули, 2013 12:54
Спикерот на македонското Cобрание, Трајко Вељаноски, вчера се сретна со новиот извршен директор на холандски разгранок на Светска банка, Франк Химскерк, информираат од кабинетот на Вељаноски.
Претседателот на парламентот го запознал Химскерк со големата заинтересираност и со оправданоста за соработката со Светска банка, особено од аспект на тоа дека се работи за помош која Македонија ја добива под многу поволни услови. Вељаноски укажал и на фактот дека помошта од Светска банка, во екот на економската криза, овозможила таа да не земе поголем замав во Македонија.
Химскерк укажал дека Светска банка е банка на светот, која има за цел постојан ангажман кон намалување на сиромаштијата и осигурување на просперитетот и на стабилноста, економска, еколошка и социјална, за што дејствува насекаде, во Азија, Јужна Америка и на Балканот.
Тој ја потврди заложбата на Светска банка да ѝ помогне на Република Македонија во исполнување на неопходните мерки и чекори за да стане дел од Европската Унија.
Можеби ќе ве интересира
Кои европски земји имаат најниски нивоа на БДП по глава на жител?
Ристески објасни како од 1 јануари ќе ја пресметуваат просечната потрошувачка кошничка
Цената на среброто скокна над рекордните 65 долари за унца
Фатих Шахбаз е нов главен извршен директор на Халкбанк АД Скопје
„Бауер БГ“ ја реконструира Палата АСНОМ по стара шема, со нови анекс-договори од 700.000 евра засега
КУПЦИТЕ НА СТАНОВИ МОЖЕ ДА ЗДИВНАТ – повластената даночна стапка останува и следните три години
Кончар потпиша договор со позната американска компанија
ВАЛУТАТА ПОТОНА: Се тргуваат 1,3 милиони риали за еден американски долар
