Спомениците на Коле Неделковски и Никола Вапцаров во Градскиот парк се оштетени
Објавено во: Македонија 03 Октомври, 2022
Исчезнаа бистите на авторите Никола Вапцаров и Коле Неделковски од Градскиот парк.
Во СВР Скопје вчера во 09:52 часот е пријавено дека во Градски парк во Скопје се оштетени спомениците на Коле Неделковски и Никола Вапцаров, а одземени се и бистите од спомениците. Полицијата работи на расчистување на случајот. Спомениците на Вапцаров и Неделковски беа откриени во 2013-та година. Пред две години беше турнат споменикот на Неделковски.
Поетот Вапцаров е роден во Банско, а бил еден од организаторите на „Македонскиот литратурен кружок“ во Софија.
Коле Неделковски е роден близу Велес и се смета за еден од најреволуционерните поети во македонската книжевност.