Заев: Споменикот на Александар Велики нема да се руши
Објавено во: Македонија 13 Април, 2018
Премиерот Зоран Заев во интервју за ТВ 24 вечерва изјави дека споменикот на Александар Велики нема да се руши.
Тој рече дека сѐ што имаме ни е македонштината, но нагласи дека на граѓаните им требаат повеќе пари, подобар живот и затоа се надева дека ќе има достоинствено решение за името со Грција.
Заев вели дека Грците имаат разбирање за тоа дека не треба да се чепка во идентитетот.
За себе вели дека е рационален политичар, а референдум веројатно ќе има.