СРБИЈА ГО БАРА: Екс припадникот на ОВК Блерим Рамадани e пуштен во домашен притвор

Добивај вести на Viber

Екс припадникот на ОВК Блерим Рамадани, баран од Србија за екстрадиција, денеска е пуштен од притвор од Затворот Скопје. Косовскиот граѓанин според решението, е упатен во домашен притвор на адреса во Скопје. Пуштањето на Рамадани се случува само еден ден по официјалната посета на министерот за внатрешни работи на Косово Џелал Свечла на Скопје.

„Ние сме подготвени да разговараме и да работиме и како две соседни земји и како две пријателски земји и нема да дозволиме криминално барање на една трета земја која што нема ни законска основа, ниту законска основа во меѓународното право да го отежнува слободното движење на нашите граѓани”,изјави вчера косовскиот министер Свечла.

Поранешниот припадник беше приведен на граничниот премин Јажинце, на влез во Македонија, по распишаната потерница од Србија. Рамадани е на списокот со меѓународни потерници за припадниците на ОВК на Србија, осомничени за воени злосторства на Косово во периодот од 1997 до 1999 година.

Вицепремиерот и министер за еколонија, Изет Меџити синоќа повторно зборувал за случајот со поранешниот припадник на терористичката ОВК, Блерим Рамадани.  Во интервју за косовската телевизија „Т7“, Меџити изјавил дека „прават  што е можно побрзо за да го ослободат“.