Србија и Хрватска продолжуваат да се тужат, ама нема да се блокираат

Добивај вести на Viber

Србија и Хрватска нема да ги повлечат меѓусебните тужби за геноцид , но ќе им остават на судовите да ги решаваат прашањата од минатото, изјавија потпретседателите на владите на двете земји - Весна Пусиќ и Александар Вучиќ. Двајцата се согласиле дека тужбите не треба да ја оптоваруваат сегашноста и иднината на двете земји. Пусиќ престојуваше во посета на Белград само седум дена пред почетокот на процесот што двете земји го покренаа во Меѓународниот суд во Хаг. Според двајцата вице-премиери, односите мешу двете земји мора да се постават во реални и прагматични рамки. „Изнесувањето на доказите пред Меѓународниот суд во Хаг, кое ќе трае 4 недели, нема да биде пријатно, но претставниците на власта во Загреби во Белград треба да не дозволат таа атмосфера да се прелее на актуелните односи меѓу двете земји“, порача Пусиќ. „Не бегаме од одговорноста да ги пронајдеме оние кои вршеле злосторства, но повеќе податоци и траги немавме. Заради младите луѓе сметавме дека е погрешно да се влегува во таа постапка, но сега секој ќе го докажува своето во судница. Ние секако нема да молчиме и да чуваме аргументи, но тоа не треба да ги подига страстите во односите“, додаде Вучиќ. И двајцата се согласиле дека ниту пресудата од Хаг нема да стави точка на приказната за причините за воениот конфликт и да ја расветли во целост одговорноста за воените случувања, но политичарите се подготвени таа работа да им ја остават на историчарите.