Србија ќе ги запира илегалните имигранти
Објавено во: Балкан 02 Јули, 2015
Србија ќе преземе мерки за запирање на протокот на илегални имигранти кои ја минуваат нивната границата од Македонија, изјавил премиерот Александар Вучиќ.
Намерите на земјата биле јасни, набргу откако Унгарија, која регистрирала повеќе од 67 000 имигранти досега во 2015 година, одлучила да изгради ѕид со висина четири метри по 175-километарската граница со Србија. Овој потег беше осуден веднаш од Високиот комесаријат на ОН за бегалци (УНХЦР).
По средбата со унгарскиот премиер Виктор Орбан во Будимпешта Вучиќ изјавил дека Србија се наоѓа пред огромен проблем со бегалската криза. Покрај тоа, тој изразил сомневање дека бегалците кон Западна Европа можат да бидат запрени.
Повеќе од 34 000 имигранти кои доаѓаат главно од Македонија и Бугарија, побарале засолниште во Србија оваа година. Во 2014 година бројот бил 16 500. Нема сепак официјални податоци за тоа колку вкупно луѓе ја преминуваат нелегално границата на земјата.
„Единствените сигурни броеви со кои располагаме, се оние на барателите на азил“, изјавил Радован Ѓуровиќ, директорот за миграција во Белград, Центар за заштита и помош за бегалци. „Само денес 160 лица го поминаа граничниот премин Пресево (на границата со Македонија), велејќи дека размислуваат да се засолнат во Србија“.
Унгарија е дел од Шенген зоната, што ја прави привлечна дестинација за десетици илјади имигранти кои доаѓаат во Европа од Блискиот Исток и Африка. Повеќето од нив потоа се движат кон богатиот западен дел на континентот.
Во четвртокот Австрија, Унгарија и Србија се свртија кон Европската унија со повик да се борат поактивно со сообраќајот и луѓето во регионот на Балканот, наместо да се фокусираат само на користените јужни канали.
„Гледаме на целото прашање со оградата како на начин за заштита на границите“, изјавил Орбан по средбата со Вучиќ.
Тој додал дека овој потег не е насочен против Србија, како и дека Унгарија ќе создаде контролни премини на границата со својот сосед.