Србија прва во Европа по смртност од рак – поради бомбардирањето на НАТО
Објавено во: Балкан 26 Март, 2015
Србија е првата држава во Европа по смртност од рак, а секоја година овој процент се зголемува во просек за 2,5 отсто.
Причина за зголемениот број заболени и починати од рак во оваа балканска земја се бомбардирањата на НАТО, при што биле употребени 15 тони осиромашен ураниум, објасни онкологот Слободан Чикариќ, претседател на српското здружение за борба против ракот.
Од 2012 година заболени од рак се 36 408 лица, а починале 21 269 луѓе. Извештајот на експертите покажува дека кај мажите најчест е ракот на белите дробови, а кај жените смртноста е највисока кај ракот на дојката. Се уште нема податоци за 2014 година, но се очекува бројот да се зголеми до 40 000 луѓе.
Во февруари минатата година Светската здравствена организација (СЗО) изнесе податоци за движењето на малигните тумори во светот, според кои во 2014 година се очекуваат 14 милиони новозаболели во светот, а во 2034 година нивниот број ќе достигне 24 милиони луѓе.