Добивај вести на Viber
Српските унихоп чорапи и хеланки „одат“ ширум светот и се се побарани. Србија веќе се позиционирала како нивни трет глобален извозник. Последните години, Србија достигнала рекордна вредност на извозот на унихоп чорапи и хеланки од околу 13 милиони евра, и е меѓу водечките извозници на светскиот пазар, изјави економистот Мирослав Здравковиќ, пренесува Танјуг.
Србија, минатата година, во рускиот извоз на оваа роба била убедливо на прво место, пред Кина, Белорусија, Хрватска и Италија.
„Што најверојатно е заедничко за Русинките, Германките, Италијанките и Словенките? Дека носта унихоп чорапи или хеланки, од синеттички материјал, произведени во Србија“, изјави за Танјуг, Здравковиќ.
Лани во странство се продадени околу 180 милиони унихоп чорапи произведени во Србија. Во вкупниот светски извоз унихоп чорапите и хеланките од синтетички влакна, во 2012 година, Србија учествувала со 7,3 отсто, како трет светски извозник. Тој пазарен сегмент во светот вредел 1,55 милијарди евра во 2012 година и повеќе од половина од вкупниот извоз имале Ителија и Кина заедно.
Србија имала повеќе од двојно поголем извоз од Турција, која била на четврто место, нагласува Здравковиќ.
Извозот на унихоп чорапи и хеланки од Србија е зголемен, од 49 милиони евра во 2007 година, на 114 милиони во 2012. Од Србија, во периодот од 2007 до 2012 година, најголем дел од извозот на овие артикли отишол во Италија, Германија и Холандија и дури во 2012, е регистриран извоз во Руската Федерација во вредност од 29,7 милиони евра.
А.А.