Србин открива колку пари може да ви донесе производството на хељда
Објавено во: Агробизнис 02 Мај, 2018
Данко Видојковиќ од српскиот град Сврлиг, за Фактор раскажува како изгледа се произведува хељда и колку овој агробизнис може да биде рентабилен.
За хељдата вели дека ја одгледува веќе пет години, а таа не бара многу работа, освен што треба да се исчисти од трева во период додека расте. Ја произведува на органски начин и вели дека може да донесе добра заработка, под услов да не бидат тоа мали површини.
„Може да биде профитабилна, но на голема површина од 5-6 хектари. Многу е здрава за употреба, не содржи глутен. Живееме во Сврлиг, а хељда одгледуваме во селото Манојлица. Заради органското производство се сее во мај, а се жнее при крајот на септември или кога ќе биде зрела. Работиме јас и сопругата, обработуваме околу 30 хектари по цела Србија. Ја продаваме како брашно, моментално до сертификација на еден нов производ без глутен, а цената на брашното е 400 динари. Хељдата нам ни е потребна само ако успее како производ. Здрава е, го подобрува вкусот на лебот, печивата, убаво мириса. За младите не знам дали сакаат да ја одгледуваат хељдата, за нас беше интересна, а моите деца сакаат да ја користат иако се мали“- вели тој.
Во Србија, Босна и Хрватска хељдата се одгледува повеќе векови. Таа е многу здрава и ја нарекуваат супер храна. И во Македонија има обиди да заживее оваа култура, но во соседна Србија таа има подолга традиција и е повеќе распространета.
Сања Атанасовска* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
