Србите во Македонија нема да плаќаат патарини од 15 јуни до 15 август
Објавено во: Македонија, Корона Вирус 20 Април, 2021
Српските граѓани два месеци летово нема да плаќаат патарини низ Македонија. Ова ќе важи од 15 јуни до 15 август.
Министерот за здравство Венко Филипче денеска е во официјална посета на Србија каде изјави дека сите српски граѓани ќе бидат ослободени од плаќање на патарини во Македонија. Филипче рече дека благодарение на таа донација, Македонија била во можност да започне со имунизацијата. Тој се заблагодарил и за чинот на отворање на вратите за македонските граѓани за вакцинирање во српските центри.
Направен е и договор Институтот „Торлак“ да биде стратешки партнер на Македонија, за набавката на вакцините.
Дека ќе има ослободување од плаќање на патарини прв најави премиерот Зоран Заев.
За српските туристи низа попусти има во Дојран. Во меѓувреме се преговара и со други општини.
Во Србија вакцини примија над 23.000 граѓани од регионот.