Среќен роденден Еко Степ

Добивај вести на Viber

Една од најважните работи во бизнисот е добриот сметководител. За да можете на мира да работите на Вашите идеи и планови, Ви треба човек од доверба кој ќе води сметка за Вашето работење.

Компанијата ЕКО СТЕП веќе 20 години успешно го прави тоа за стотици наши фирми, за кои вчера во хотелот Арка приреди одлична и несекојдневна корпоративна забава за нивниот голем јубилеј. И навистина имаат за што да се пофалат, 20 години постоење на сметководствена фирма значи дека си добил огромна доверба од многу клиенти, впрочем во оваа дејност не може да опстоиш доколку не опстојуваат компаниите кои ги водиш . Храбрата одлука на основачот на компанијата Ленче Попчева, да го започне овој бизнис пред дваесет години е вистински доказ дека со високо ниво на професионалност и огромна посветеност можете чесно да создадете долгорочна база на лојални и задоволни клиенти, како што очигледно се оние на ЕКО СТЕП. Настанот го отвори тв водителот Жарко Димитриоски, по што на присутните им се обрати сопственичката на компанијата, а најдобар доказ дека ова е компанија која се грижи за своите вработени, како и за своите клиенти беа и наградите кои беа доделени на вработените во компанијата за нивната лојаност и посветеност во овој период. Забавата продолжи со стенд ап настап на Марјан Ѓеоргиевски и финишираше со одлична свирка на бендот на Тоше. Честит роденден и се гледаме на 50 годишниот јубилеј Во продолжение неколку фотографии од вчерашната атмосфера: