СРПСКИ КУРИР: Груевски не сака да ја предаде власта, па предизвикува хаос во државата

Добивај вести на Viber

Соседите будно ја следат ситуацијата во Македонија. Доказ за тоа се бројните наслови кои никнуваат во српските медиуми.

Српски курир акцентот го стави врз екс премиерот. Овој медиум пишува дека „лидерот на ВМРО ДПМНЕ и екс премиер Никола Груевски е свесен дека ја губи власта и е подготвен да предизвика хаос во државата за да го спречи доаѓањето на опозицискиот лидер Зоран Заев на чело на државата, што би значело покренување на истрага за корупција и небројни криминални афери кои го обележаа неговото владеење“.

„Во тие цели Груевски е подготвен на се, па и на пласирање на лажни вести во тамошните медиуми (мислејќи на македонските) како оние во наводни договори на Заев со албанската партија ДУИ дека Србите ќе бидат осудени за геноцид над Албанците во Македонија што СДСМ го отфрли како ноторна лага“, пишува српски курир.

Понатаму додаваат дека ниту една лага на Груевски нема да спречи подобра иднина на Македонија.

„Лагите на обвинетиот Груевски (во случајот кој го води Специјалното јавно обвинителство за прислушувани разговори) за наводни редефинирања, федерализација, и кантонизација на Македонија се последица на стравот од соочување со правдата“, се наведува во соопштението на СДСМ, кое го цитира овој медиум од соседството.

Тие повикувајќи се на соопштение на опозицијата пишуваат дека „Никола Груевски цели 10 години злосторнички се однесува кон Македонија и нејзините национални и стратешки интереси“, наведува партијата на Заев, истакнувајќи дека граѓанска Македонија „чекори кон подобра иднина за сите и дека ниту една лага на Груевски тоа нема да го спречи“.