Српски лекар објасни колку лица заразува човек кој е инфициран со делта сојот
Објавено во: Балкан, Корона Вирус 08 Јули, 2021 20:34
Човек заразен со делта сојот заразува од пет до осум други лица, објаснува
Д-р Милош Бабиќ, молекуларен биолог и невробиолог. Тој во својот текст за публикацијата „Наука во Србија“, детално објаснува што значи појавата на делта сојот.
Тој потенцира дека овој сој е поопасен бидејќи е позаразен.
„Кога еднаш ќе се појави во еден регион, делта сојот набрзо станува доминантен. Овој сој веројатно произведува значително потешка болест. Иако се потребни уште податоци, прелиминарните бројки покажуваат дека делта сојот предизвикува до 85 отсто повеќе хоспитализации кај невакцинираните, ако се земе предвид староста на заразените. На пример, нивото на тешки болести и смрт е релативно мал во однос на бројот на инфекции во Велика Британија“, вели Д-р Бабиќ.
За делта-сојот пријавени се и некои нови симптоми: губиток на слухот, сериозни гастроинтестинални проблеми, а во ретки случаи и периферни гангрени поради комплетна блокада на капиларите на микротромбовите.
Овој сој е присутен и во земјава. Детектиран е и кластер со заразени.
Можеби ќе ве интересира
Што вели Рама за идејата на новите членки на ЕУ да им се ограничи правото на вето?
(ВИДЕО) Пратениците во албанското Собрание се тепаа и фрлаа чадни бомби
„МИНИСТЕРОТ НЕ ЗЕМА НИТУ ДИНАР“ Вучиќ: Обвинението против Селаковиќ е срамно и безобразно
„Њујорк тајмс“: Фирмата на зетот на Трамп - Кушнер се повлекува од договорот за изградба на хотел во Србија
Граничниот премин Богородица затворен за сообраќај
Потврден случај на лепра во Хрватска: Почната е задолжителна постапка за вакцинација
