Српски медиуми: Хаг не сака да си го прибере Шешељ
Објавено во: Балкан 09 Април, 2015
Обвинителството на Хашкиот трибунал е непријатно изненадено дека судијата Жан-Клод Антоанета сеуште не испратила наредба до лидерот на српските радикали Воислав Шешељ да се врати во Шевенинген, пишува српскиот весник „Вечерњи новости“, повикувајќи се на дипломатски извори.
Српскиот „Курир“, повикувајќи се на свои информации, пишува дека главниот судија во процесот против Шешељ воопшто не го известил обвинителството кога ќе постапи по наредбата за враќање издадена пред една недела. Нема определен рок до кој треба тоа да се реши, но обвинителлот Серж Брамерц тврди дека очекувал наредбата од Трибуналот веќе да биде испратена до обвинетиот.
Премиерот на Србија, Александар Вучиќ, изјавил дека ќе ја прифати одлуката за Шешељ, но дека ќе побара од Трибуналот и писмени докази дека неговата здравствена состојба е подобрена. Вучиќ потсети дека токму заради здравствената состојба тој е вратен во Србија.
Лекарот на Шешељ дал препорака дека оваа недела треба да започне со хемотерапија, но лидерот на српските радикали веднаш го отфрлил тоа со образложение дека лекувањето не смее да се прекинува.