„Српскиот мерцедес” за еден месец на патиштата – Белград привлечен за инвестирање

Добивај вести на Viber

Потпретседателот на српската Влада, Александар Вучиќ најави дека за помалку од еден месец на улиците во Србија ќе се појави првиот „српски мерцедес”. -          Слушнав дека некои говореа дека Мерцедес никогаш нема да дојде во Србија. Бош веќе ја отвори својата фабрика во нашата земја, а за помалку од еден месец првиот српски мерцедес ќе се појави на улиците, рекол Вучиќ, пренсеуваат српските медиуми. Вучиќ порачал дека е од исклучителна важност, Србија да стане атрактивна дестинација за странските инвеститори и дека доаѓањето на странските компании е важно бидејки го обезбедуваат пазарот и гарантираат дека ќе имаат одреден број на вработени, а исто времено носта и познавања за менаџирање и за процесот на производство. Во исто време, според потпретседателот на српската Влада, од исклучителна важност е и развојот на приватниот сектор. -          Важно е да ги научиме луѓето да размислуваат за приватен бизнис и државата што помалку да се прашува. Мора да ја промениме филозофијата според која е важно само да се пронајде работа во локална самоуправа, каде платата е мала, но капе, а и не мора да се вложува многу труд, рекол тој. -          Пред се доаѓањето на странските инвеститори е важно, за да се промени свеста и односот кон капиталот, работата и профитот, вели Вучиќ. Според, Вучиќ во изминатите година и половина Србија успеала да направи огромен напредок посебно во европските интеграции што ја менува сликата за земјата. Како важен фактор за привлекувањето на странските инвеститори се посочуваат и мерките за запирање на ланецот со манипулациии и измами, грабежи и корупција. Главна задача, на властите во идниот преиод, според најавите на Вуќиќ ќе биде развојот на земјоделството и економијата. До крајот на јуни се очекува Србија да ги донесе законите за работни односи, проватизација, планирање и изградба како и за стечај и за јавната администрација. Еден од најголемите проблеми на Србија според мислењето на Вучиќ е јавниот долг на земјата, односно високиот фискален дефицит, на чие намалување се работи преку заштеди во јавниот сектор. К.К.