Српските берачи на печурки заработуваат по 5.000 евра во сезона
Објавено во: Агробизнис, Балкан 12 Јули, 2016
Во јужна Србија во сезоната на берба на печурки може да се заработи до 1.000 динари по килограм.
Но, прво берачите мора добро да научат да ги распознаваат печурките.
Вргањот и лисичарката на почетокот на оваа сезона донесоа добра заработка за берачите, продавачите и извозниците.
Цените ги диктираат фирмите кои се занимаваат со извоз на печурки.
Тие пред крајот на извозот можат да паднат за 250 до 300 динари по килограм.
„Купувачите бараат мали и млади врѓањи, а оваа сезона берачите наоѓаат стари вргањи. Заради тоа многу берачи се одлучуваат вргањите да ги сецкаат и сушат, а за сув килограм добиваат од 1000 до 1200 динари“- вели Дејан Радивојевиќ, кој има фирма за откуп на печурки.
Ако сезоната се погоди, берачите можат да заработат и 5000 евра.