„Standard & Poor’s“ го намали рејтингот на 18 италијански банки

Добивај вести на Viber

Агенција „Standard & Poor’s“ вчера го намали со еден степен својот долгорочен кредитен рејтинг на 18 средно-големи италијански банки, вклучувајќи ги и банките „Unione di Banche Italiane“ и „Credito Emiliano“.

Кредитна агенција како причина за оваа одлука ги наведе влошените економски можности на Италија.

„Standard & Poor’s“ го намали за еден степен рејтингот на банките „Unione di Banche Italiane“ и „Credito Emiliano“ до „БББ-“, на банките „Banca Popolare di Milano“ и „Banco Popolare Societa Cooperativa“ до „ВВ“ и на „Banca Carige“ до „ВВ-“.

Другите банки, погодени негативно од одлуката на Агенцијата се „FGA Capital“, „Iccrea Holding“, „MedioCredito Centrale“, „Banca Popolare di Vicenza“, „Veneto Banca“, „Banca Popolare dell’Emilia Romagna“ и „Unipol Banca“.

- Италијанските банки работат во средина со повисоки економски ризици што ги прави незаштитени од евентуална подлабока и подолга рецесија во Италија, отколку што очекувавме претходно - се наведува во соопштението на кредитната агенција.

Од „Standard & Poor’s“ додаваат дека банките се соочуваат со тешки оперативни услови, кои можат да ги ослабат во иднина нивните финансиски профили и најмногу во однос на квалитетот на финансиските средства, капитал и профит.

Агенцијата истакна дека изгледите за кредитниот рејтинг на сите италијански банки остануваат „негативни“.

Оваа одлука на „Standard & Poor’ѕ“ е факт, откако претходно овој месец таа го намали суверениот долгорочен кредитен рејтинг на Италија од „БББ“ на „БББ +“, задржувајќи ги „негативни изгледи“ за можно ново намалување.