СТАРТУВА ВИКЕНДОВ: Прагот на алармирање за загадувањето од 188 се спушта на 175 милиграми на метар кубен
Објавено во: Македонија 12 Декември, 2019
Се намалува прагот на алармирање за аерозагадувањето.
Од 14-ти месецов прагот на алармирање од загадување со ПМ10 честички ќе се намали од 188 на 175 милиграми на метар кубен.
Ова го соопштија од Министерството за животна средина.
„Во согласност со новата Уредба за изменување и дополнување на Уредбата за гранични вредности за нивоа и видови на загадувачки супстанции во амбиентниот воздух и прагови на алармирање, рокови за постигнување на граничните вредности, маргини на толеранција за гранична вредност, целни вредности и долгорочни цели во која е дефиниран прагот на алармирање на суспендирани честички со големина до 10 микрометри, од 14 декември 2019 година, прагот на алармирање на РМ10, се намалува од 188 mg/m3 и истиот изнесува 175 mg/m3 среднодневна концентрација во текот на 2 последователни дена и добиена прогноза за стабилна временска состојба во наредниот период“, информираа од Министерството за животна средина.
Скопје денеска е 33-от најзагаден град во светот. Во Македонија денеска Куманово, Тетово и Битола се високо загадени.