Стечајот над Еуростандард ќе го води Душко Тодевски, кој го водеше и стечајот на Експорт-импорт банката

Добивај вести на Viber

Се огласи судот преку кој ќе се води стечајната постапка на Еуростандардс банка, информирајќи дека е отворен стечај врз банката во петокот минатата недела. 

Стечајот ќе го води стечаен управник Душко Тодевски, а првото рочиште за утврдување на долговирте на банката ќе се одржи на 10 октомври годинава.

„Поради поголемата заинтересирност на медиумите во врска со предметот СТ – 123/20, Ве известуваме дека со Решение СТ–123/20 од14.08.2020 година на овој суд е усвоен предлогот за отварање на стечајна постапка над должникот Еуростандард банка АД Скопје и за стечаен управник е определен Душко Тодевски од Скопје.

По предметот СТ-123/20 е закажано рочиште за испитување и утврдување на пријавените побарувања и извештајно собрание на доверители на ден 08.10.2020 година, во 13 часот, во судница II, I кат.“, велат од судот.

Инаку, пребарувањето покажува дека во април 2018 година Душко Тодевски бил назначен за стечаен управник на Експорт импорт банката на Методија Смиленски, на која и беше одземена дозволата за работа.

Претходно имало друг стечаен упреавник на Експорт импорт банката, а Тодевски дошол на негово место. 

А сопственикот на банката Трифун Костовски во петокот минатата недела кажа дека ако се прифати и се отвори стечајна постапка врз Еуростандард банка, тој ќе ја тужи државата и Народна банка пред меѓународен суд.

Според Народна банка на Македонија, во последниве четири и пол години Еуростандард банка натрупала загуни од близу 18 милиони евра. 

Н.Н.Ф.