Стигна плата, лекарите што штрајкуваа земаа во просек по 10 илјади денари за ноември!

Добивај вести на Viber

Ноевриските плати стигнаа на сметките и на лекарите специјалисти од повеќето клиники. Платите за ноември биле неколкукратно намалени, од 8 па до 16 илјади денари во просек земал секој од овие лекари. Од Синдикатот велат дека се незадоволни од ваквата состојба, тие штрајкувале на работните места, не отсуствувале од работа, оделе на сите дежурства и во смени, па затоа бараат и да бидат платени согласно заработеното. За оние кои ги приморувле лекарите да потпишат изјави дека не штрајкуваат за да земат плата, се најавуваат судски тужби. „Незаконски е такви ливчиња да бидат основа за пресметување на плата“ вели Дејан Ставриќ од самостојниот синдикат на клиничкиот центар Според, него  ова е целосно незаконски затоа што лекарите работеле нормално половина месец, а потоа почнале да штрајкуваат, односно штрајкот и официјално започна на 14-ти ноември. „Освен тоа штрајкот се одвива во прва смена, останатите две смени и 24-часовното дежурство треба да биде нормално платено, а тоа според сознанијата не е испочитувано“, додава Ставриќ. Лекарите спрецијалисти и по еден месец штрајк сеуште не се откажуваат од барањата. Велат, остануваме на штрајк се додека не се постигне договор за корекција на моделот за исплата на платите по учинок.