Сто години Прилепска Пиварница – настан посветен на традицијата и на иднината

Добивај вести на Viber

На 12.6.2024 година, во хотелот „Мериот“ се одржа настан по повод стогодишнината од постоењето на Прилепска Пиварница. На настанот присуствуваа многубројни соработници, вработени, пријатели, семејства и гости и заедно го одбележаа овој голем и значаен јубилеј за пиварницата.

Преку краток документарен филм беше раскажана приказната стара цели 100 години и сите поважни случувања од 1924 година, па до ден-денес, а гостите ги забавуваа нашата Калиопи и хрватската музичка ѕвезда Тони Цетински. За крај, Сашко Коцев со својот стенд-ап настап се потруди навистина да ги насмее и да ги расположи присутните гости.

Пред гостите свое обраќање имаа претседателот на Управниот одбор, господинот Сашко Самарџиоски, и членот на Управниот одбор, госпоѓата Панде Самарџиоска.

„Најубавото од сè е што приказната сè уште трае и некои други генерации ќе продолжат да ја раскажуваат и по нас. Возбудата вечерва со самото тоа е уште поголема кога денес, вака собрани, сме современици на еден настан за кој работеле и живееле толку многу генерации, а ние ја имаме честа да сме современици на овој јубилеј! И на следниот од наредни 100 години ќе бидат сосема некои други лица, кои сега не се ни родени!“, рече господинот Сашко Самарџиоски.

„Денес им оддаваме почит и на визионерските основачи, кои ги поставија темелите на нашата пиварница пред еден век (нивни потомци се присутни овде, во салава). Нивната непоколеблива визија и страст го обликуваа нашето патување и наследство. Тие продолжуваат да нè инспирираат додека го носиме нивното наследство напред во иднината“, изјави госпоѓата Панде Самарџиоска.

Прилепска Пиварница има навистина богато портфолио. Пивата Златен Даб и Крали Марко веќе се едни од водечките домашни брендови на пиво, додека Tuborg и Carlsberg, Holstein, 1664 Blanc и Somersby се едни од најквалитетните светски пива, а нивен единствен овластен дистрибутер е Прилепска Пиварница. Освежителниот газиран пијалак Газоза веќе ги освојува и светските пазари, стекнувајќи култен статус дома. Како овластен полнител на безалкохолни пијалaци, Прилепска Пиварница ги полни пијалаците на Pepsi Cola International: Pepsi, Pepsi Lime, Pepsi Max, 7UP, Mirinda Lemon и Mirinda Orange. Увозник е на Lipton Ice Tea, како и овластен увозник за производите од познатиот бренд „Књаз Милош“ од Србија, меѓу кои: газираната вода Књаз Милош, негазираната вода Aqua Viva, енергетскиот пијалак Guarana и негазираните овошни сокови Tube, a пиварницата е и увозник на алкохолните пијалаци St. Nicolaus.

Овој јубилеј и овој настан беа доказ за непоколебливата посветеност и љубов кон традицијата што го поттикнува успехот на Прилепска Пиварница веќе сто години.