Стојанов со закани до Македонците: Кој ќе крене рака на Бугарин, ќе остане без раката
Објавено во: Македонија 20 Јануари, 2023
Бугарин упати закани кон Македонците.
„Ќе дојдеме илјадници, кој ќе крене рака на Бугарин, ќе остане без раката“, се заканува Виктор Стојанов, Бугарин кој е основач на Фондацијата Македонија, откако три лица во Охрид го истепаа Христијан Пендиков.
Напаѓачите ги нарече шовинисти.
„Денес очекуваме брза и адекватна реакција од Бугарија! Исто така, очекуваме реакција и од бугарското општество! Затоа што Бугарите во Северна Македонија ги претепуваат по улиците! Сакаме Северна Македонија бргу да ги уапси и да подигне обвиненија за тројцата напаѓачи, кои му нанесоа телесни повреди на Христијан“, напиша на својот Фејсбук профил Виктор Стојанов.
Фондацијата е основана во април 2021 година.
Секретарот на бугарскиот клуб „Цар Борис Трети" во Охрид, Христијан Пендиков, со авион „Фалкон" на бугарска влада ќе го пренесат на лекување во Софија, јавуваат бугарските медиуми.
Три лица го нападнале во центарот на Охрид, а тој се здобил со сериозни повреди на главата и вилицата, како и на други места по телото.
Бугарскиот клуб во Охрид неколку пати беше мета на напади.