Стопанска банка а.д. Битола – општествено одговорна компанија

Добивај вести на Viber

Стопанска Банка Битола во хуманитарна мисија за дечињата од посебните паралелки, ученици со пречки во развојот, за доенчињата од Домот за најмлади во Битола, и децата заболени од церебрална парализа. „Согласно основната мисија во поглед на максимизирање на вредностите како и заложбите на Стопанска банка а.д Битола,  да биде компанија која се грижи за општествената одговорност  и оваа година, ја продолжува својата долгогодишна традиција насочена кон хуманитарни  цели. Во пресрет на новогодишните и Божиќните празници Стопанска банка а.д Битола одлучи на штитениците од ОУ ,, Ѓорѓи Сугарев“ од Битола - посебните паралелки – ученици со пречки во интелектуалниот развој,  како и дечињата од Домот за доенчиња во Битола, да им ги развесели престојните празници со доделување на  новогодишни пакетчиња, а за најмладите штитеници од  Домот за доенчиња – Битола,  донираше  адаптирано млеко. Исто така пакетчиња ќе бидат доделени и на децата заболени од церебрална парализа од Битола од Здружението на родители на деца заболени од церебрална парализа од Битола. Сето тоа придонесе за зголемување на нивото на среќа, радост и исполнетост и најзначајното насмевка на нивните прекрасни лица. Нашата банка и понатаму ќе се стреми кон постигнување на епитетот да биде препознатлива општествено одговорна компанија“ се вели во соопштението од Банката.