Стопанска банка ќе овозможи плаќања и преку мобилен телефон

Добивај вести на Viber

Стопанска банка АД - Скопје најавува дека од први април 2013година и официјално ќе започне да функционира ажурираната верзија на мобилната апликација „m-banking“ со зголемен број функционалности, како и можност за извршување на сите видови плаќања преку мобилен телефон, 24 часа на ден и без никаков надомест. Од Банката информираат и дека ја продолжуваат соработката со Фудбалската Федерација на Македонија, па затоа денеска на сите македонски репрезентативци им беа доделени „MasterCard“дебитни картички со износ во висина од 500 евра, како и ексклузивна можност, први да ја користат надградената мобилна апликација m-banking, уште пред таа да биде и официјално достапна за сите. „Со мобилната апликација клиентите добиваат можност брзо, лесно и навремено да се информираат за сите банкарски услуги, да ги вршат сите видови плаќања, да имаат увид во сопствените сметки, да ја дознаат локацијата на сите филијали и најблискиот банкомат, целата мрежа на трговци каде може да се купува на рати со картичките на СБ, да ја прегледаат курсната листа, да имаат пристап на калкулатор на кој можат да ги пресметаат своите месечни рати“, информираат од  Стопанска Банка.