Стопанска банка – Скопје отвори продавница за електронско банкарство

Добивај вести на Viber

Стопанска банка - Скопје ја отвори првата продавница за електронско банкарство во Македонија во која граѓаните ќе можат да аплицираат и да научат за сите услуги кои ги нуди електронското банкарство Во i-bank store регионалното искуство и познавање на пазарот преку глобалните технолошки иновации се преточува во локална предност за нашите клиенти, информираат од Стопанска банка - Скопје. „Пораката која Стопанска банка ја испраќа до пазарот денеска, е дека продолжува да биде лидер, иноватор и најдинамична Банка која не само што ги разбира туку и успева во рана фаза да ги открие потребите на клиентите со цел навремено да ги направи потребните инвестиции и промени во својот бизнис модел и постојано да биде чекор понапред во банкарскиот сектор“, изјави Диомидис Николетопулос, Генерален извршен директор и Претседател на Управниот одбор на Стопанска банка. Паралелно со отворањето на i-bank store, Банката воведува уште неколку новитети: • Унифицирана платформа со примена на OTP (one time password) токен за автентикација на налози за сите плаќања преку e-banking, m-banking и телефонско банкарство. Достапно само за физички лица. • Верзија од m-banking апликацијата е изработена и активирана и за Windows mobile уреди и • Стопанска банка е прва и единствена која во Македонија го воведе 3D Secure стандардот со кој Visa & MasterCard картичките издадени од банката од Февруари 2014 ќе бидат овозможени за безбедни интернет плаќања насекаде во светот. I-bank store ќе биде отворен за клиентите од 10 до 20 часот,а со отворањето на електронската продавница официјално започнува и прославата на 70 годишнината на Банката која ќе биде одбележана со повеќе вакви настани и промоции.