31 Мај, 2020
0.0220

СТРАВ ОД КОРОНА: Жителите на Липково избегнуваат да патуваат во Куманово, дезинфицирани џамии, улици, објекти

Објавено во: Македонија, Корона Вирус 08 Април, 2020

Граѓаните на Општина Липково избегнуваат да патуваат во Куманово, исплашени од брзото ширење на коронавирусот.

Од Општината Липково велат дека се преземени мерки за заштита, дезинфицирани се објекти, улици, како и повеќе од 20 џамии на територија на општината. Се делат и пакети за оние граѓани кои се социјално загрозени, со цел полесно да го поминат овој период.

„Во Општината се примаат странки само доколку е итно. Паника има кај населението, затоа што оваа пандемија го зафати светот и се очекува кон крајот на април да го достигне врвот кај нас. Има луѓе кои патувале како туристи во странство, и откако се вратија беа во самоизолација, додека оние кои работат во странство се останати во другите земји. Луѓето не сакаат да патуваат во Куманово, избегнуваат да одат во градот затоа што има заразени. Нашето население патува со такси превозници, така што луѓето раскажуваат дека со часови чекаат да се соберат патници и да си дојдат дома. Куманово има голем број заболени, дури повеќе и од Скопје ако се земе в предвид бројот на жители“, вели Башким Адеми, раководител на секторот за поддршка на градоначалникот, советот и човечки ресурси во општината. 

Мештаните ги плаши и фактот што во кумановската болница се заразија здравствени работници.

Потврдени случаи има и во Липково, но сепак Куманово е сериозно жариште.

Во земјава има скоро 600 заразени со Ковид 19.

На 18 март беше прогласена вонредна состојба во Македонија, а од денес има и продолжен полициски час.

Оваа година за верските празници, граѓаните ќе треба да се откажат од посета на верски објекти и одење на гости.

Се ограничува движењето на младите до 18 години и на постарите над 65 години, со цел да се спречи пренос на вирусот.

Сања Атанасовска

Можеби ќе ве интересира

Студентите на испити со маски и ракавици и на растојание

Студентите на испити со маски и ракавици и на растојание

ФОТО: Просторот околу Клинички центар со нов изглед

ФОТО: Просторот околу Клинички центар со нов изглед

Четврта вонредна состојба, олабавени рестрикции

Четврта вонредна состојба, олабавени рестрикции

И денеска облаци и дожд, следува тмурна недела

И денеска облаци и дожд, следува тмурна недела

Избори најрано на 5 јули: Ќе има ли политички договор?

Избори најрано на 5 јули: Ќе има ли политички договор?

Астеруд: Не Радмила, во голема грешка си и треба да се извиниш

Астеруд: Не Радмила, во голема грешка си и треба да се извиниш

Филипче посакува да се огледаме на Дебар

Филипче посакува да се огледаме на Дебар

200 луѓе му беа на погребот, сега ќе се прават анкети со семејството

200 луѓе му беа на погребот, сега ќе се прават анкети со семејството

ФОТО: Полицајци се справија со банда ограбувачи во центарот на Скопје

ФОТО: Полицајци се справија со банда ограбувачи во центарот на Скопје