Стрелките на часовникот ќе треба да се вратат назад
Објавено во: Македонија 21 Октомври, 2018
Идниот викенд ќе преминеме на зимското сметање на времето.
На 28-ми кон 29-ти овој месец во земјава ќе почне зимското сметање на времето.
Стрелките на часовникот ќе се поместат, а согласно донесената одлука во Европа да се укине промената на времето, во Македонија се следи процесот на усвојување на предлог директивата и претстои усогласување на националното законодавство на РМ и определување на начинот на транспонирање на ЕУ директивата.
Идејата за поместување на времето ја осмислил иноваторот Бенџамин Френклин кој ја изнел пред своите колеги во 1784 година, бидејќи му пречело што губиме многу дневна светлина. Предложил напролет да се поместува часовникот напред, но идејата не му заживеала. Во почетокот на 20 век идејата први ја прифатиле Германците, а во бивша Југославија се применувала дури во 1983 година. Додека северниот дел на планетата преминува на зимско, јужниот дел оди на летно сметање на времето.
Зимското сметање на времето трае до последниот викенд во март.