Добивај вести на Viber
Кипар ја зголеми казната затвор за предизвикување пожар.
За истото, ќе следи и парична казна меѓу 50.000 и 100.000 евра, одлучи кипарската Влада на вчерашната владина седница.
Министерката за земјоделство, рурален развој и животна средина на Кипар, Марија Панајоту објави дека казната за предизвикување пожар во шуми од десет години затвор и/или парична казна од 50.000 евра се зголемува на 12 години затвор и/или 100.000 евра.За пожар на отворено казната е десет години затвор и/или парична казна од 75.000 евра (од пет години и/или 20.000 евра според актуелниот закон), а за предизвикан пожар во општини постоечката казната од три месеци затвор и/или 860 евра се зголемува на осум години затвор и/или парична казна од 50.000 евра. Панајоту објасни дека законот за шумарство, ажуриран со построги казни во 2018 година, сега е основа за новите измени и во согласност со предвиденото во кривичниот законик.
Месецов имаше голем пожар на Кипар, поради што населението беше евакуирано. И претходните години во лето имаше големи пожари, а Кипар бараше помош од странски земји.
фото МИА