Струмица-гас: Лажна вест е прес конференцијата на Пишев, да се извини, ќе покренеме кривична пријава!
Објавено во: Македонија 13 Февруари, 2017
Васил Пишев не може со лажни вести да ја манипулира јавноста за да го спаси обвинетиот Никола Груевски и раководството на ВМРО-ДПМНЕ за направените криминали, велат од ЈПЕД „Струмица - Гас“.
Велат дека лага е дека граѓаните на општина Струмица наводно плаќале поскап гас.
„Вистината е дека само градот Струмица има реализирано проект за дистрибуција на природен гас. Цената по којашто се набавува гасот е согласно Пазарот на CNG и во овој момент таа е уште пониска од цената врз основа на којашто е доделен распишаниот меѓународен тендер. Лага е дека фирмата не ги исполнува условите за добивање на тендерот. Си Ен Џи системс го доби тендерот за набавка на гас за Ј.П Струмица - Гас во 2016 година, на меѓународен повик за доставување најповолна понуда, во согласност со највисоки стандарди и доставена најниска цена и истиот беше одобрен од бирото за јавни набавки затоа што е во согласност со критериумите и законот. Посочуваме дека пазарот на природен гас е либерализиран и не е возможно да се фаворизира одредена компанија, ако таа не е способна да реализира ваков тип на снабдување со природен гас. Пишев да се извини во рок од три дена, во спротивно против него ќе биде покрената кривична пријава за лажно пријавување“ - додаваат од ЈПЕД „Струмица - Гас“.
Зоран Заев и неговите соработници мора да одговараат за криминалот што го направиле, порача денеска Васил Пишев од ВМРО-ДПМНЕ. Тој прес конференцијата ја одржа пред Основното Јавното Обвинителство во Скопје и соопшти дека доставува докази до обвинителството за криминал при доделувањето на тендери за гасификација на Струмица.
Според Пишев, јавноста е информирана за скандалот со јавното претпријатие „Струмица - Гас“ и милионските суми кои се одлеале од општинската каса на сметка на Си-Ен-Џи Системс, чиј сопственик е Митко Андреевски, сопартиец на Зоран Заев и претседател на партиската комисија за енергетика, а само со последниот тендер од 2016-та година на јавното претпријатие му е направена штета од 700.000 евра.
Случајот со „Струмица -Гас“ се однесува за наводи за криминал во поделените тендери за набавка на гас од Општина Струмица. Според информациите, ова јавно претпријатие купувало бугарски гас за цена два и пол пати повисока од пазарната, од компанијата Си-ен-џи системс, која е во сопственост на Митко Андреевски, а кој според документите се води како единствен вработен во компанијата, без канцеларии и опрема.Можеби ќе ве интересира
Малолетничка тешко повредена во сообраќајна незгода во Скопје
„НА 42 ГОДИНИ, АПАСИЕВ ДИПЛОМИРАН, МАГИСТРИРАН, ДОКТОРИРАН, СТИГНАЛ ДА КУПИ КОЛА ОД 15-20 ИЛЈАДИ ЕВРА, ЗЛОБЕН НАРОД, НЕ ВОЗИ ФЕРАРИ“: Мухамеди на страната на лидерот на Левица
ВАРИЧЕЛА ИЛИ ОВЧИТЕ СИПАНИЦИ, ШУГА И ЕНТЕРОКОЛИТИТЕ ДОМИНИРААТ ВО ДЕКЕМВРИ: Загрижувачки тренд на пораст на заразните болести во Македонија
ЗАПРЕ ПОСТАПКАТА ПРОТИВ ВЕЛЈАНОВСКИ, ЈАНАКИЕСКИ, РИСТОВСКИ И АТАНАСОВСКИ - Кривичен суд го уважи барањето за амнестија
ПАТУВАЊЕТО НА МИЦКОСКИ ЗА ВАШИНГТОН Е ПОЛН ПОГОДОК ОД СЕКОЈ ПОГЛЕД: „Видете ги реакциите од Бугарија кои позелена од фрустрации“ - став на новинарот Ризвановиќ
„ВТОРА ШАНСА ЗА АЛЕКСАНДАР!“: потребна му е поддршка за лекување во Турција
„АПАСИЕВ ДО ОВОЈ МОМЕНТ НЕ СЕ ОГЛАСИ ЗА НОВИОТ АВТОМОБИЛ“ - адвокатот Јанаки Митровски и денеска се занимава со лидерот на Левица
ВЕРИЖЕН СУДАР НА ОБИКОЛНИЦА: се судриле автобус, товарно возило и автомобили - три лица пренесени во болница (ОБНОВЕНО)
„МИЦКОСКИ ПРОВОЦИРА“ - СЕ ОГЛАСИ ГРЦИЈА: „Македонското прашање е решено, неотповикливо и дефинитивно“
