Субвенционирање на млекото по квалитет во новата програма за поддршка на земјоделството
Објавено во: Агробизнис 19 Ноември, 2012
Владината проекција за субвенционирање на млекото по квалитет дефинирана во новата, петгодишна програма за поддршка на земјоделството и руралниот развој наиде на позитивни коментари од Стопанската комора на Македонија.
Со ваквото решение што Комората го сугерираше подолго време, како што беше речено денеска на прес-конференција, ќе се зголемат производството и квалитетот, а фармерите ќе бидат стимулирани да ги достигнат ЕУ стандардите.
Сепак остануваат нерешени досегашните основни проблеми во секторот, неможноста од обезбедување евтина добиточна храна, современи услови на одгледување стока и подобрување на расниот состав.
- Нашите повеќегодишни барања се прифатени. Сметаме дека ќе дадат конкретни резултати. Млекопроизводството би се вратило на ниво од периодот 2004/2005 година кога продукцијата и откупот беа значително повисоки што, пак, ќе овозможи поголема конкурентност не само во соседството, туку и на европскиот пазар, истакна Васко Ристовски од Стопанската комора.
Поддршката на млекото годинава и следната 2013 изнесува 3,5 денари за литар предаден во преработувачки капацитети, но во наредните години, до 2017-та, согласно измените, субвенционирањето ќе биде по квалитет, 4 денари за екстра класа, 3,5 за прва и 2,5 денари за втора класа во 2014 година, 4 денари за екстра класа, 3,5 за прва и два денара за втора класа во 2015, како и 4 денари за екстра, три за прва и 1,5 за втора класа во 2016 и 2017 година.
Според анализите на Стопанската комора, Македонија и натаму е нето увозник на млеко и млечни производи, главно од Словенија, Германија, Хрватска, Србија, Црна Гора, БиХ, Чешка, Бугарија, Грција, Франција,… Голема е разликата меѓу увозот и извозот, 37.000 тони наспроти 11.000 тони, а евидентиран е и тренд на опаѓање на вкупното млекопроизводство. Само еден процент од фармите имаат повеќе од 50 грла и може да бидат носители на производството на квалитетен генетски материјал за останатите капацитети.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
