Судењето за „Тврдина“ започнува - седум лица се осомничени

Добивај вести на Viber

Рочиштето за предметот од случајот „Тврдина“е закажано за денеска. 

Специјалното јавно обвинителство во случајот сомничи седум лица за кривичното дело фалсификување на службена исправа и уништување на документација од Управата на безбедност и контраразузнавање.

„Судечкиот судија кај кого беше распореден обвинителниот предлог на Обвинителството за гонење на кривични дела поврзани и кои произлегуваат од незаконското следење на комуникациите (СЈО) против седум лица осомничени за кривичното дело „Фалсификување на службена исправа…, по добивање на предлогот, оформи предмет и закажа рочиште за 28.11.2016 година во 11:30 часот за кога се испратени покани до странките во постапката заедно со примерок од обвинителниот предлог“- информираше Киривчниот суд на почетокот од месецов.

Во случајот осомничени се седум припадници на Управата за безбедност и контраразузнавање, меѓу кои и Горан Грујовски, поранешен началник на петтата управа на тајната полиција.

СЈО поднесе и барање за изземање на надлежниот судија, која во јавноста стана позната од нелегално прислушуваните разговори како „сваровски судија“, но тоа беше одбиено од претседателот на судот, а подоцна и од Апелација.

Уништените документи требаше на СЈО да му помогнат да утврди кој прислушувал и на кој начин го правел тоа.