СУДИРИ ВО ИСТОЧНА УКРАИНА: Има загинати и повредени
Објавено во: Свет 24 Ноември, 2017
Во судири во источниот дел на Украина во последните 24 часа загинаа најмалку пет украински војници, а четворица се повредени, објавија украинските вооружени сили.
Војниците загинале кај селото Кримск во Луганск, а судирите траеле осум часа. Ова претставува најголем број на загинати војници од јули оваа година, соопшти украинската Влада.
Во источна Украина доаѓа до зголемување на насилствата, а минатата недела биле забележани најголем број прекршувања на прекин на огнот од средината на јуни. Ова го констатираше ОБСЕ.
Во судирите во овој дел од Украина од април 2014 досега загинаа над 10.000 луѓе. Неколкуте примирја кои се потпишани не успеаја да го одржат мирот. Киев и сепаратистите постојано меѓусебно се обвинуваат за прекршувањата.