Судот не ги прифати „бомбите“ за докази, жестоко рочиште за насилствата пред општина Центар

Добивај вести на Viber

Првото рочиште за предметот насилство пред општина Центар заврши со заклучок на судот дека „бомбите“ односно телефонските прислушкувани разговори не се прифаќаат како докази обезбедени од СЈО. Во овој случај осомничени се Никола Груевски, Миле Јанакиевски, Даниела Рангелова и други членови на ВМРО-ДПМНЕ.

Расправата беше доста жестока откако судијката Михајлова ја опомена обвинителката Фатиме Фетаи за терминологијата на осомничени и обвинитети. Фетаи возврати дека таа си ги брани своите права, и дека очекувала главна расправа како што стоело во судската покана, а не дека ќе се одржи прелиминарно рочиште за техничко оценување на доказите. 

По предлог на одбраната исто така беше одбиен загрозениот сведок под изговор дека вакво сведочење не може да се прифати во овој предмет. Судијката Татјана Михајлова рече дека предлогот на СЈО за испитување на загрозениот сведок како доказ во постапката е спротивен на Законот за заштитени сведоци. Според одредбите во овој закон, рече судијката, заштитен сведок се испитува доколку се суди за кривични дела против државата, дела од областа на организираниот криминал, дела против човечноста и меѓународното право и за кривични дела за кои е предвидена затворска казна од најмалку 4 години.

Што се однесува до останатите докази што ги предложи СЈО, како што се записници од седници на советот на Општина Центар, записници од МВР, фотографии и други сведоци, судијката рече дека ќе се произнесе во текот на постапката.