Судските реформи добиваат втора шанса утре во Собрание, Власта и опозицијата со доближени ставови
Објавено во: Македонија 15 Април, 2018
Системскиот закон за судови и законот за Судскиот совет утре во Собранието ќе добие втора шанса откако власта и опозицијата ги доближиле ставовите за време на викендов, објави Пост.
Работните групи на ВМРО-ДПМНе и на СДСМ и во текот на викендот ги усогласуваа ставовите околу судските реформи. Од опозицискиот табор велат дека веќе речиси и да нема разлики во однос на законот за Судскиот совет, додека за законот за судови останува да се допрецизираат одредени одредби во однос на дисциплинската одговорност за судиите.
Според извори на „Пост“, ВМРО-ДПМНЕ инсистра на градација на казните за судиите – на лесни, тешки и многу тешки. За полесна одговорност би се сметале случаите на прекршување на етичкиот кодекс, а за потешка – прекршувањата на деловникот за работа. За многу тешка одговорност би се сметале евентуални кривични дела за кои е предвидена повисока казна од шест месеци затвор.
Од СДСМ велат дека нема поголеми разидувања со ВМРО-ДПМНЕ и дека прифатените забелешки на опозицијата се преточени во заеднички амандмани.