СЗО ПРЕДУПРЕДУВА: Можни нови и поопасни видови на коронавирус

Добивај вести на Viber

Експертите од Светската здравствена организација (СЗО) предупредија дека „постои голема веројатност“ за појава на нови соеви на коронавирус, „евентуално поопасни“.

„Пандемијата е далеку од завршена“, се вели во соопштението на тим експерти од Вонредниот комитет, советувајќи го генералниот директор на СЗО.

„Постои голема веројатност за појава и ширење на нови, загрижувачки соеви и можеби поопасни, па дури и потешки за контрола“ отколку оние регистрирани од агенцијата на ООН, се додава во нивното предупредување.

Исто така, се наведува дека новите трендови се загрижувачки. „Осумнаесет месеци по објавувањето на меѓународната итна здравствена состојба, ние сè уште го бркаме вирусот, и тој продолжува да нè брка“, рече претседателот на одборот, Французинот Дидие Хосин, на прес-конференција.

Досега, СЗО регистрираше четири видови кои се сметаат за загрижувачки, алфа, бета, гама и делта.

Делта сојот, првпат регистриран во Индија, брзо се шири низ целиот свет и уште еднаш предизвикува растечка пандемија. Многу поинфективно од другите, се покажа дека овој вид е поотпорен на вакцини, иако тие сепак штитат од најтешките форми на ковид-19 и смртност.

Професор Усен рече дека одборот има две главни препораки: да се залага за поправеден пристап кон вакцините и да не се преземаат иницијативи кои се лошо научно оправдани, како што е предлогот да се даде трета доза на вакцини против ковид.

Третата доза на вакцина е препорачана од групата Pfizer / Biontek.

„Ние мора да продолжиме да работиме неуморно за еднаков пристап до вакцините, за еднаква дистрибуција на вакцините во светот и да поттикнеме дистрибуција на вакцини, локално производство и ослободување од правата на интелектуална сопственост. Треба да работиме на трансфер на технологија, зајакнување на производствениот капацитет и, се разбира, потребното финансирање за спроведување на сите овие активности“, рече професорот Усен.

СЗО, невладините организации и погодените земји со месеци ја осудуваат нееднаквоста во дистрибуцијата на вакцините во светот.

Додека Соединетите држави и Европската унија очекуваат дека поголемиот дел од нивната популација ќе биде вакциниран во следните недели, некои од најсиромашните земји успеаја да вакцинираат само еден процент.