ТАКСА ОД ДВЕ ЕВРА ПО ЛИЦЕ ЗА ПРИБЛИЖУВАЊЕ НА ФОНТАНА ДИ ТРЕВИ: градските власти во Рим ќе воведат нов данок
Објавено во: Свет 08 Септември, 2024
Градските власти во Рим размислуваат да воведат такса од две евра по лице за приближување до Фонтана ди Треви, што би се однесувало на оние кои ќе се спуштат по деветте камени скали до работ на фонтаната. Предлогот дојде од Алесандро Онорато, претставник за туризам во градот, откако Венеција воведе слична мерка за наплата на влезот во градот.
Пред одлуката да стапи на сила, таа мора да биде одобрена од Градскиот совет, но градоначалникот Роберто Гуалтиери веќе ја изрази својата поддршка. Онорато истакна дека сумата од две евра е симболична, бидејќи е приближно еднаква на монетите што посетителите традиционално ги фрлаат во фонтаната за да посакаат желба. Легендата вели дека фрлањето паричка гарантира враќање во Рим.
Рим, како и многу светски градови, се соочува со предизвикот да управува со голем број туристи, кои иако придонесуваат за економијата, создаваат метеж и го нарушуваат секојдневниот живот на локалните жители. Фонтаната Треви, една од најпознатите знаменитости во Рим, често е заглавена со гужви, што го прави пристапот и погледите кон фонтаната речиси невозможни. Оваа импозантна барокна фонтана од 18 век е висока 26,3 метри и широка 49,15 метри, а била изградена на крајот од античкиот аквадукт кој го снабдувал Рим со вода.
#Rome is battling #overtourism with plans to limit access to the #Trevi #fountain…#italy #tourism pic.twitter.com/go6sEAJx9Y
— CGTN Europe (@CGTNEurope) September 7, 2024
Онорато нагласи колку што е важно да се зачува туристичкото искуство, толку и да им се овозможи на граѓаните да живеат нормален живот во историскиот центар на Рим. Таксата не би била задолжителна за минувачите на плоштадот, туку само за оние кои сакаат да се доближат до фонтаната. Жителите на Рим, од друга страна, би биле ослободени од плаќање.
Дополнително, Онорато истакна дека оваа мерка може да ги намали честите прекршувања, како што се јадење по скалите, хранење гулаби или обид да се влезе во фонтаната, веќе познат прекршок инспириран од сцената од филмот на Фелини „La Dolce Vita“.
Фото: Принтскрин/Твитер* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
ИРАК E ВО ПАНИКА: Дали Израел се подготвува за напад и на Багдад?
ЗЕЛЕНСКИ – „НА ПОВИДОК Е КРАЈОТ НА ВОЈНАТА“: Еве кога ќе заврши според него
ПОЛОВИНА ЕВРОПА ПОД СНЕЖНО НЕВРЕМЕ: Завеани камиони на патиштата, повредени луѓе низ градовите, прекини во сообраќајот....
РАЗЛИКИ МЕЃУ ХИПЕРСОНИЧНАТА И ИНТЕРКОНТИНЕНТАЛНАТА БАЛИСТИЧКА РАКЕТА: Една е клучна
ВОЕНИОТ СОВЕТНИК НА ТРАМП – ЗАПАДОТ СЕ СООЧУВА СО НАЈГОЛЕМАТА ЗАКАНА ОД 1945: Генералот Кин ја анализира ситуацијата
„ЌЕ ГО ТЕСТИРАМЕ ИСКЛУЧИВО ВО БОРБА“, базата во Полска е приоритетна цел на Русија
ГЕРМАНИЈА ИМ ДАВА ПАРИ НА МИГРАНТИТЕ ДА ЈА НАПУШТАТ ЗЕМЈАТА: „Одбиени им се барањата за азил, треба доброволно да заминат“
ДАЛИ ГРЕНЕЛ ЌЕ ЈА ДОБИЕ НАЈЗНАЧАЈНАТА УЛОГА, ПРОТЕКОА ИНФОРМАЦИИ: Најверојатно тој ќе треба да ја „реши“ војната Русија-Украина
СЕВЕРНОКОРЕЈЦИТЕ ПРИСТИГНАА ВО МАРИУПОЛ: Овие војници имаат одвоено сместување, храна, музика и филмови од другите странски трупи
