Такси и надоместоци кон државата ќе се плаќаат со картичка, нема веќе трчање по шалтери!
Објавено во: Економија 17 Ноември, 2012
Од почетокот на следниот месец, плаќањето на административни такси и останати услуги за добивање на документи од страна на државата, граѓаните ќе може да го вршат по електронски пат, односно со платежни картички. Оваа одлука е донесена на минатата седница на Владата, информира на денешната прес-конференција владиниот портпарол Александар Ѓорѓиев. Тој потенцира дека оваа услуга досега не била возможна.
- Од почетокот на следната година граѓаните и компаниите наместо најпрво да одат на шалтер во пошта или банка и таму да плаќаат уплатница за такса, сега доколку имаат платежни картички тоа ќе може да го направат на самите шалтери на институциите, каде ќе бидат поставени апарати за користење на платежните картички, слично како што тоа се прави во останатите локали и продавници од приватниот сектор, рече Ѓорѓиев.
Досегашната практика на одење во банка или пошта, како што рече, уплаќањето на сметките и потоа носење на шалтерите на институциите ќе биде минато. Се очекува оваа мерка да придонесе граѓаните да заштедат добар дел од своите средства бидејќи веќе нема да плаќаат провизии кон банките или поштите и додаде оти услугата ќе ја добијат поефикасно и поефективно со одење само на едно место.