„ТАРАВАРИ Е РАЗОЧАРУВАЊЕ - ТИ СЕ ВРАЌАШ КОН ЦРНАТА ЛИСТА“: Меџити за довчерашниот коалиционен партнер
Објавено во: Македонија 13 Мај, 2025 08:35
Лидерот на Демократското движење и еден од лидерите на коалицијата „Влен“ Изет Меџити по излегувањето на Алијанса на Албанците на Арбен Таравари од владината коалиција напиша дека Влен продолжува по патот на промената.
Во објава на „Фејсбук“, Меџити напиша дека Таравари не ја напуштил Владата, туку ја предал.
- Ти не донесе промена. Ти не се враќаш кон народот. Ти се враќаш кон црната листа. Ти не ја напушташ Владата. Ти ја предаде Владата, напиша Меџити.
Меџити оценува дека „Таравари е разочарување за секој Албанец кој гласал за промената“.
- VLEN продолжува по патот на промената. Ги покануваме сите активисти, симпатизери и гласачи кои се чувствуваат измамени, предадени и оставени сред пат без насока, пишува во објавата.
Лидерот на едното крило на Алијанса за Албанците Арбен Таравари синоќа по состанокот одржан во Тетово соопшти дека ја напуштаат владината коалиција и одат во опозиција.
- Констатиравме дека минатата година со гордост ја донесовме промената во албанскиот блок после 20 години. Меѓутоа, меѓутоа промените што ги видовме за жал не ги испорачавме и тоа се секојдневно граѓаните не критикуваат. Затоа ние одлучивме, да се вратиме кај граѓаните. Да побараме од нив доверба во октомври за локалните избори. Кога со „Вреди“ се обидувавме околу шест недели и ако имаме сопствени советнички листи да изнајдеме начин за меѓусебна поддршка за кандидатите за градоначалници, меѓутоа, не успеавме во тоа и денес констатираме дека доколку има недоверба во тие што се членови на владата, доколку има конспирации и секакви сомнежи немаме што да бараме таму, рече Таравари.
Можеби ќе ве интересира
ОБВИНЕНИЕ ПРОТИВ 34 ЛИЦА ЗА ПУЛС: Истражна постапка против 13 полицајци поврзани со случајот
ВОЗЕЛ СО 2,02 ПРОМИЛИ АЛКОХОЛ ВО КРВТА И УДРИЛ ДВЕГОДИШНО ДЕТЕ - уапен жител на Радовиш
Успешно изведени две трансплантации на коска од починат донор на Клиниката за ортопедски болести при ТОАРИЛУЦ
Утрото ми почнува со поглед кон вулканот кој лани неколкупати еруптираше и е одалечен од мојот дом само 20 километри: Љупка Тепева за животот во Исланд
ВОЗДУШНИОТ ПРОСТОР Е ЗАТВОРЕН, АЕРОДРОМИТЕ НЕ РАБОТАТ: Пристигна итно предупредување од МНР за македонските граѓани
НА ВЛАДИМИР МУ СЕ ГУБИ СЕКАКВА ТРАГА: Исчезнал вчера во четири часот, има 36 години
СЕ РАБОТЕШЕ ДО САБАЈЛЕ, СИНДИКАТОТ ПОКРАЈ УАПСЕНИТЕ ПОЛИЦАЈЦИ ЗА КОЧАНИ: „Нема да дозволиме истрагата да се користи за политички поени и калкулации“
НИКОЈ НЕ МУ ПРИФАТИ ШИРЕЊЕ НА КАВГАТА НАДВОР, ПА МОРА ДА СЕ КАРА ДОМА: Величковски за Мицкоски и нападите на Османи
„МАКЕДОНИЈА ПОЛЕКА НО СИГУРНО СТАНУВА МАЛА СРБИЈА“: „Па ајде јунаци, да ја вратиме ѕвездата на знамето и грбот“, вели критички Салиу
