Тасева: Имаме сомнежи за перење и изнесување пари од границите
Објавено во: Македонија 20 Април, 2018
Професор д-р Слаѓана Тасева синоќа во Фактор магазин изјави дека извештајот на Европската комисија за Македонија е генерално позитивен.
„Ако зборуваме за детали од извештајот, посебно областите коишто ги следам, мислам дека не гледаме ништо подобро од претходните извештаи. На нас тоа ни се случува, ние не се ослободивме од заробената држава, ние не успеавме да го дефинираме проблемот, што е тоа што ја прави државата заробена, и како можеме државата да ја ослободиме од таа заробеност. Мислам дека уште повеќе се оди со тоа понатаму. Што значи заробената држава, тоа значи дека институциите, не ја остваруваат својата основна функција затоа што државата ја држат заробени, институциите ги држат заробени поединците коишто преку тие институции остваруваат интереси, дали се тоа политички интереси, партиски, лични интереси“ - вели Тасева.
Таа вели дека луѓето на власт треба да сфатат дека институциите се тука за да им служат на граѓаните.
„Денеска јас не можам да дадам оценка дека ние сме разбрале што е тоа што ја прави државата заробена и дека сме преземале било какви чекори и мерки за да тоа се надмине“- додава Тасева.
Таа вели дека судството уште не е независно. Спрега постои меѓу политиката и бизнисот, вели таа.
Tасева за сомнителните трансакции, вели дека има перење на пари преку изнесување во готовина преку граници.