Тонеме ли како Титаник?

Добивај вести на Viber

Започнува периодот кога котираните компании на берзата почнуваат да го објавуваат она што го сработиле изминатиот период. Потоа се анализираат финасиските извештаи и се носат одлуки за евентулани промени во портфолиото. Како што пишувавме во минатите текстови ваквиот тип на преглед на финансиски извештаи се нарекува фундаментална анализа. Што би реклло анализа околу тоа колку е здрава базата на фирмата, нејзиниот основен бизнис, колку расте продажбата, каква се идните проекции итн. Извештаите кај нас, веројатно  зачестено ќе почнат да доѓаат веќе оваа недела, па сите ќе можеме да видиме кој што сработил, како им одел бизнисот, додека пак инвеститорите ќе си пресметуваат дали може да се надеваат на капитална добивка или евентуално да некоја дивиденда поголема или помала од лани. Во овој текст ќе продолжиме да се занимаваме со техничката анализа, за која бројките кои ќе излегуваат не се релеватни. Тоа е поради фактот што техничарите велат дека се е инкорпорирано во цената и дека нема потреба да се троши време во анализирање на извештаите затоа што, трендовите си покажауваат се. Нормално најдобро е да се користат двете стратегии од едноставна причина  што џабе ви е добар тренд ако билансите на фирмата која ја купувате се полни со подводни бомби за кои можеби би знаеле кога би ги следеле извештаите и обратно џабе ви е фундаментално здрава акција ако едноставно никој не сака да ја купи (а тоа ви го кажува техничката анализа). Такви барем примери на нашава берза имаме еден куп. Како и да е....Во подолниот дел од текстот следува мал преглед на два големи светки индекси, како и преглед на словенечкиот индекс и нормлано носечкиот индекс на нашата берза МБИ 10 S&P 500  Секако го забелeжувате феноменалниот раст на S&P 500. Од 1.150 на околу 1.450 поени за неполна година. Трендот и во моментов е позитивен, меѓутоа почнуваат да се јавуваат неколку сериозни предизвици: Погледнете го горниот десен агол, како индексот веќе три пати се мачи да го натфрли нивото на 1.460 поени. Доколку на ова ги додаме и фундаментални проблеми на компаниите на полето на добивките во третиот квартал доаѓаме до следниот заклучоци: Нивото од  1.460 поени е веројатно клучно за задржувањена позитивниот моментум Изборите се наредната недела и евентуален пад под  1.370 поени можеби би го чинеле Обама, втор мандат. Ќе биде интересно. DAX  Добро беше да се имаат акции во Германија минатата година (посебно ако прв пат сте купиле тој перидот). Меѓутоа можете јасно да ја видите силната поврзаност со прекуокеанските берзи. Повторно во горниот десен агол на ниво од околу 7.500 поени се јавува сериозе отпор. Карактеристично е тоа што доколку го вратиме графикот наназад ќе видиме дека веќе година и пол ова ниво не може да биде пробиено. Станува јасно дека копјата ќе се кршат тука на ниво од 7.500 поени. SBI TOP  Најголемата регионална берза е Словенечката. Веднаш во очи влегува страшниот пад кој Словенците го доживуваат изминатава година. Катастрофалната состојба на банкарскиот сектор, неверојатната поврзаност на фирмите со банките кои се државни, лошите кредити и евроспската рецесија очигледно беа смртоносни за индексот. Берзата не регираше ниту на позитивните движења на големите ЕУ берзи. Но, изминатиов период делува како да има светло  на крајот на големиот тинел. И покарај неверојатните дневни осцилации трендот успеа да остане позитивен. Сепак рано е да се прогласи победа за биковите. Се покажува дека нивото од 600 поени никако јасно да се пробие. Тука ќе биде нивото за берзата во Словенија, која можеби го има и клучот за растот и кај нас. А кај нас....  MBI 10  Дупка без дно. Ова е претпоставувам прва асоција на нашиот индекс. Сите линии и трендови се завртени надолу и засега не асоцираат на никакви промени. Едноставно тонеме како Титаник. Технички нашата берза стои исклучително лошо. Се чини дека ковелираме со светот исклучиво при пад. Она што инвеститорите може да се надеваат во моментов е евентуално подобрите резултати на компаниите од индексот кои треба да почнат да излегуваат неделава. Исто така регионалното раздвижување би помогнало. Доколку треба да се одбере некое ниво кое треба да биде пројдено за да може да се прогласи некакво враќање во живот, тоа би биле 1.800 индексни поени.  Милан Димитриоски