Техномаркет прославува 10 години во Македонија

Добивај вести на Viber

Брендот Техномаркет ја слави 10 години од своето постоење на македонскиот пазар. Почнувајќи од 2003 година, Техномаркет успешно се развива на македонскиот пазар како малопродажен синџир на компанијата КиК чие што основање датира од 1997 година. Во продажните салони на Техномаркет може да се најдат производи за домаќинство од познатите брендови како „Samsung“, „Philips“, „Sony“, „Panasonic“, „Electrolux“, „Zanussi“, „AEG“, „NEO“, „Daewoo“, „Indesit“, „Hotpoint Ariston“, „Rowenta“ и други. Продажната мрежа на Техномаркет во моментов се состои од 16 продажни салони ширум земјава,а компанијата располага со сопствена логистичка мрежа и сопствен царински склад. „Продажниот тим на Техномаркет за целиот овој период постојано се усовршуваше во поглед на совладување на техники за услуга и продажба на производите кои ги нуди, обидувајќи се секогаш да ги разбере барањата на секој купувач поединечно а со тоа да понуди најсоодветен  производ. Покрај перформансите на производот, купувачот има најразлични можности да одбере на кој начин ќе го купи производот и тоа: на кредит, со кредитни картички или пак преку синдикална продажба на рати“, стои во соопштението од компанијата.