Технометал Вардар со 5% помала добивка лани

Добивај вести на Viber

Технометал Вардар од Скопје 2012 година ја заврши вкупни приходи од продажба од 224,4 милиони денари или 3,65 милиони евра, што е на исто ниво како и претходната година, покажува финансискиот извештај на компанијата објавен на Македонска берза. При тоа вкупните приходи од продажба на странски пазар лани изнесуваат 2,4 милиони евра, што е за 16% повеќе споредено со 2011 година, додека продажбата на домашен пазар е намалена за 21% на вкупно 1,25 милиони евра. Во исто време трговската компанија успеала да ги намали расходите лани за 12%, како резултат на помалите трошоци кај потрошените материјали, ситен инвентар и услуги, покажуваат податоците од неревидираниот биланс на успех. Оперативната добивка на Технометал Вардар лани изнесувала 342 илјади денари или нешто над 5.500 евра, за разлика од оперативна загуба од 504 илјади евра пресметана во 2011 година.  Нето-добивката е за 5% помала од 2011 година и изнесува 5.400 евра. Технометал Вардар АД Скопје е компанија чија основна дејност е увоз-извоз, големопродажба, како и малопродажба на широк асортиман на производи од железо и челик, електро и индустриски материјали, механизација и возила, хемиски, текстилни и прехрамбени производи. Исто така компанијата нуди и услуги од областа на шпедиција и складирање, осигурување, туризам и угостителство.