Темелно чистење на коритото на реката Вардар

Добивај вести на Viber

Екипи на ЈП „Улици и патишта“ рачно и машински ја чистат левата страна на минор коритото и косините на реката Вардар, кај Визбегово, после пешачкиот мост Газела, во согласност со Програмата за одржување на коритото на реката,каналот Лепенец и отворените канали на подрачјето на Град Скопје. Екипите мешински исчистија  површина од околу 200 метри и од неа отстанија 3.500 метри кубни наноси од мил, земја, песок, исушена трева, вегетација, комунален и градежен отпад. Собраниот смет и шут и просушената исечена вегетација се  транспортирани до соодветна локација за одлагање во ЈП „Дрисла“, се вели во денешното соопштение од Град Скопје. Сите екипи на теренот работат рачно и машиниски во делот на косините и коритото на Вардар кај мосото Тодор Александров, од страната на паркот Аеродром. Косините на минор коритото на реката Вардар се исчистени од мил, земја, трева и ниска вегетација на површина од околу 1.300 квадратни метри. Машински се собрани околу 2.500 кубни метри наноси на земја, песок и на градежен и комунален отпад. Собраниот смет и шут и просушената исечена вегетација и од оваа локација се транспортирани до ЈП „Дрисла“. По завршувањето на чистењето на горенаведените локации екипите на Градот ќе продолжат да го чистат коритото на река Вардар на потегот од објектот на Медијапринт до болницата Систина.